INCWADI KAPAWULI

KUFILIMONI

Philemon

Isibingelelo

1UPawuli isibotshwa sikaKristu Jesu ^a loTimothi umzalwane ^b, kuFilimoni othandekayo lesisebenzi kanye lathi ^{c , d}, 2lakuApifiya othandekayo, lakuArkipho ^e owebutho kanye lathi ^f, lakubandla elisendlini yakho ^g: 3Umusa kawube kini lokuthula okuvela kuNkulunkulu uBaba wethu leNkosini uJesu Kristu ^h.

UPawuli ubabaza ukholo lukaFilimoni

4Ngiyambonga uNkulunkulu wami, ngikuphatha ngezikhathi zonke emikhulekweni yami ⁱ, 5ngisizwa ^j ngothando lwakho ^k langokholo olalo eNkosini uJesu lakubo bonke abangcwele ^l, 6ukuze ukuhlanganyela kokholo lwakho kube lamandla elwazini lwento yonke enhle ekini kuKristu Jesu ^m. 7Ngoba silentokozo enkulu ⁿ lenduduzo ethandweni lwakho ^o, ngoba imibilini yabangcwele ^p yavuselelwa ngawe, mzalwane ^q.

UPawuli ukhuluma ngoOnesimo

8Ngalokho, lanxa ngilesibindi esikhulu kuKristu sokuthi ngikulaye ^r into efaneleyo ^s, 9kanti ngenxa yothando kungcono ukuthi ngincenge ^t, nginjengonje, uPawuli omdala ^u, esengiyisibotshwa futhi sikaJesu Kristu ^v. 10Ngiyakuncenga ^w ngomntanami ^x, engimzeleyo kuzibopho zami ^y, uOnesimo ^z, 11okade engelasizo kuwe ^aa, kodwa khathesi-ke ulosizo kuwe lakimi ^ab, 12engimbuyisela kuwe; kodwa wena, memukele ^ac, okuyikuthi imibilini yami ^ad; 13ebengifisa mina ukumbamba abe lami ^ae, ukuze angisebenzele esikhundleni sakho ^af kuzibopho zevangeli ^ag; 14kodwa kangithandanga ukwenza ulutho ngaphandle kwemvumo yakho, ukuze okuhle kwakho kungabi ngokokubanjwa ngamandla ^{ah , ai}, kodwa njengokwesihle ^aj.

15Ngoba mhlawumbe wehlukaniswa lawe ^ak okwesikhatshana ^al ngenxa yalokhu, ukuze ubuye umemukele phakade ^am; 16angabe esaba njengesigqili, kodwa ngaphezu kwesigqili ^an, umzalwane othandekayo, ikakhulu kimi, kodwa kakhulu kangakanani kuwe ^ao konke enyameni leNkosini ^ap. 17Ngakho uba usithi ngingumhlanganyeli lawe, memukele njengami ^aq. 18Kodwa uba ekone ngolutho kumbe elomlandu, lokho kubalele kimi; 19mina Pawuli ngibhale ngesandla sami, mina ngizahlawula ^ar; ukuthi ngingatsho kuwe ukuthi lawe uqobo ^as ulomlandu oseleyo kimi. 20Yebo, mzalwane, sengathi ngingaba lentokozo ngawe eNkosini ^at; uvuselele imibilini yami eNkosini ^au.

Isicino

21Ngikubhalele ngithemba ukulalela kwakho, ngisazi ukuthi lawe uzakwenza okungaphezu kwalokho engikutshoyo ^av. 22Futhi ngesikhathi esifananayo ungilungisele lami indawo ^aw yokuhlala; ngoba ngiyathemba ^ax ukuthi ngemikhuleko yenu ngizanikwa kini ^ay.

23Uyakubingelela ^az uEpafra ^ba oyisibotshwa kanye lami kuKristu Jesu ^bb, 24uMarko ^bc, uAristako ^bd, uDema ^be, uLuka ^bf, izisebenzi kanye lami ^bg.

25Umusa weNkosi yethu uJesu Kristu kawube lomoya wenu. Ameni ^bh.